Kriangsak Chomanan

Kriangsak Chamanan (Thai: เกรียงศักดิ์ ชมะนันทน์, uitgespreek [kria̯ŋ.sàk tɕʰā.má(ʔ).nān]; 17 Desember 1917 - 23 Desember 2003) het van 1977 tot 1980 as premier van Thailand gedien.

Generaal Kriangsak Chomanan, die voormalige Thaise opperbevelhebber, premier en stigtersvader van die moderne Thailand, is op 17 Desember 1917 gebore. Nadat hy 'n suksesvolle staatsgreep uitgevoer het, is hy gevra om in 1977 premier te word, en het hy tot 1980 regeer. Hy word vereer vir die rol wat hy daarin gespeel het om 'Thailand tot demokrasie te lei' in 'n tydperk waarin die kommunistiese insurgente intern voorgekom het, en buurlande deur kommunistiese regerings oorgeneem is; soos bv. in Viëtnam: Suid-Viëtnam (deur die Viëtkong), Laos (deur die Pathet Lao), en Kambodja (deur die Khmer Rouge). Hy het die hoekstene van moderne Thailand gevestig deur baie moderne ministerieë soos die Ministerie van Wetenskap en Tegnologie te stig, waardeur Thailand van die energie-afhanklikheid van buitelandse handel kon ontsnap deur die stigting van die grootste onderneming in Thailand, te wete PTT, en die vestiging van multilaterale buitelandse betrekkinge wat Thailand in staat gestel het om van kommunistiese oorname vrygestel te word, voorspoed te behaal wat die handelswese betref, en in die 1980's geïndustrialiseer te word. Hy is op 23 Desember 2003 op die ouderdom van 86 jaar oorlede.

Hy was 'n professionele soldaat tydens die Tweede Wêreldoorlog en was in die besette Shan-staat ontplooi. Hy het vanaf 1940-43 teen die Franse in die Franse-Thaise oorlog geveg, en gedien as pelotonleier teen die kommuniste tydens sowel die Viëtnamoorlog as die Koreaanse oorlog. In Korea het hy as bevelvoerder van die infanteriebataljon III gedien.